मिरिक । गायक, संगीतकार तथा गीतकार जितेन लेप्चा भन्नू बितिक्कै “तिमीले साथ छोडी दिदा” गीत जोडिन्छ । यो गीत नै गायक जितेन लेप्चाको परिचय बनेको थियो । यो गीतको सफलता पछि गायक जितेन लेप्चा, संगीतको दुनियाँ देखि केही बर्ष टाढा भयो । आफ्नो व्यक्तिगत कारणले गायनलाई निरन्तरता दिन सकेन । उहाँको शब्द, संगीत, स्वरमा रहेको “तिमीले साथ छोडी दिदा” गीत सदांवहार चर्चामा रह्यो तर गायक जितेन लेप्चाको नाम भने ओझेलमा हुन पुग्यो ।
लगभग एक दशक पछि संगीतको संसारमा पुन: फर्किएर उस्तै शक्तिशाली प्रेमको शब्दहरुमा मनमोहक संगीत भरेर मीठो स्वरमा एक से एक चर्चित गीतहरु सार्वजनिक गरि रहेको छ । सबै गीतहरुले अहिले विभिन्न पत्र पत्रीका देखि सामाजिक संजालमा चर्चा बटुली रहेको छ ।
यसै बीच लकडाउनको समयलाई सदुपयोग गरेर तिमीले साथ छोडी दिदा गीत आफ्नै युट्युब च्यानल “जितेन लेप्चा मिरिक” बाट तिमीले साथ-२ गीतको अडियो भिडियो सार्वजनिक गर्नु भएको छ । पर्पल स्टुडियोमा रेकर्ड गरिएको यो गीतमा शब्द, संगीत र स्वर गायक जितेन लेप्चाको रहेको छभने रिकार्डिसमा शरण चिराम, मिक्सिङ्ग सुमन खड्काले गर्नु भएको छ साथै यो गीतको एरेन्ज नेपाल कै चर्चित एरेन्जर फाडिण्द्र राई गर्नु भएको छ ।
मिरिकको मनोरम स्थानहरुमा छायांकन गरिएको सो गीतको भिडियोमा गायक आफै मोडल बन्नु भएको छ, गायक जितेन लेप्चालाई मोड्लिङ्गमा साथ, कारण खालिङ्ग राई र स्मिता तामाङले दिनु भएको छ । यो गीतको भिडियो निर्देशन निमेष प्रधानले गर्नु भएको छ ।