बुद्धशान्ति प्रेस क्लब झापाको आयोजनामा हुने झापा मिडिया कप २०८१ मा किट पार्टनर जोया ब्राण्ड बिर्तामोड रहने भएको छ ।
प्रेस क्लबलाई चाहिने जर्सी लगायतका अन्य खेल सामग्री जोया ब्राण्डले हस्तान्तरण गर्ने भनी जोया ब्राण्डका तर्फबाट संचालक प्रेम कृष्ण श्रेष्ठ र बुद्धशान्ति प्रेस क्लबका उपाध्यक्ष नारायाण अर्याल बिच सम्झौता पत्रमा हस्ताक्षर समेत गरिएको छ ।
जोया ब्राण्डले विदेशी ब्राण्डहरुलाई विस्थापित गर्दै जर्सी, टि सर्ट, टयाक सुट लगायत विभिन्न कपडाहरु उत्पादन गरि पूर्वी नेपाल लगायत देशका विभिन्न स्थानहरुमा विक्री गरिरहेको छ ।
यही असोज १७ र १८ गते हुने प्रतियोगितामा ७ टिमको प्रतिस्पर्धा रहने छ । उक्त खेलले दसैँको उमङ्गलाई अझै रौनकता दिने साथै सञ्चारकर्मीको भेटघाट अझ प्रघाट हुने देखिन्छ । घटस्थापनाको दिन र भोलिपल्ट हुने प्रतियोगिता होक्सेमा रहेको त्रिभुवन माविको खेलमैदानमा आयोजना हुनेछ ।