बुद्धशान्ति प्रेस क्लब झापाको आयोजनामा झापा मिडिया कप २०८१ हुने भएको छ । प्रतियोगितामा झापाका ६ वटा पालिकास्तरका प्रेस क्लब र नेपाल खेलकुद पत्रकार मञ्च झापाको टिम सहभागी रहने पत्रकार सम्मेलन मार्फत क्लबका अध्यक्ष तीर्थ तिम्सिनाले बताएका छन् । प्रतियोगितामा आयोजक बुद्धशान्ति सहित अर्जुनधारा, मेचिनगर, कनकाई र भद्रपुर प्रेस क्लब लगायत पत्रकार मञ्च दमक र खेलकुद पत्रकार मञ्च झापा सहभागी हुनेछन् ।
प्रतियोगिताको प्रथम पुरस्कार ट्रफी, मेडल र प्रमाण पत्र सहित नगद २५ हजार त्यस्तै द्वितिय पुरस्कार ट्रफी, मेडल र प्रमाण पत्र सहित नगद १५ हजार रहेको बताइएको छ । पहिलो खेलमा असोज १७ गते आयोजक बुद्धशान्ति र अर्जुनधारा प्रेस क्लब, कनकाई प्रेस क्लब र भद्रपुर प्रेस क्लब, मेचीनगर प्रेस क्लब र दमक पत्रकार मञ्चबीच प्रतिस्पर्धा हुनेछ । नेपाल खेलकुद पत्रकार मञ्च झापा शाखा भने सिधै लक्कीड्र मार्फत सेमिफाइनलमा प्रवेश गरेको छ ।
त्यस्तै १८ गते सेमिफाइनल र फाइनल खेल हुने आयोजकले जनाएको छ ।