गोठमा आगलागी हुँदा २७ लाख बराबरको क्षति

सुनसरी । सुनसरी जिल्लाको इटहरी -११, खनारस्थित दिलीप सुवेदीको गोठमा बिहान ०९:१० बजे अचानक आगलागी भएको हो । यस आगलागीबाट गोठमा रहेका ६ वटा गाई, ९ कोरली र १२ बाछाको जलेर मृत्यु भएको छ । मानवीय क्षति भने नभएको प्रहरीले जनाएको छन् ।

घटना स्थलमा खटिएका प्रहरी चौकी खनारका इन्चार्ज प्र. स. नि. प्रदीप राजवंशीका अनुसार आगो बिहान ११:३० बजे पूर्ण रूपमा नियन्त्रण भएको थियो ।

प्रारम्भिक अनुमान अनुसार यस आगलागीबाट करिब २७ लाख रुपैयाँ बराबरको क्षति भएको छ । यस आगलागीको कारण के हो भन्ने बिषय बारेमा अनुसन्धान भइरहेको छ, थप जानकारी अनुसन्धानबाट मात्रै खुल्ने प्रहरी चौकी खनारका इन्चार्ज प्र. स. नि. प्रदीप राजवंशी बताउनु भयो ।