आइतबारे युथ क्लवको सक्रिय सदस्य स्व. मन कुमार इधिङ्गोको स्मृतिमा “मन कुमार इधिङ्गो स्मृति कप” २०८० खुल्ला पुरुष तथा महिला प्रतियोगिताको आज उद्घाटन कार्यक्रम सम्पन्न भएको छ ।
उक्त फुटबल प्रतियोगितामा आइतबारे युथ क्लवको अध्यक्ष मिलन सुब्बाको सभापतित्व, बुद्धशान्ति गाउँपालिका उपाध्यक्ष भवानी खतिवडाको प्रमुख आतिथ्य रहेको थियो ।
प्रथम पुरस्कार ३०,०००/- र दोस्रो पुरस्कार २०,०००/- रहेको प्रतियोगितामा आजको खेल दुधे एफसी र अर्जुनधारा ५ एफसी रहेको थियो । जसमा २-० ले हराउदै अर्जुन धारा सेमी फाइनल प्रवेश गरेको छ ।
भोलिको खेल सिरिजङ्गा स्पोर्टिङ्ग क्लव भद्रपुर vs बुधबारे युनाइटेड बिच रहने छ भने प्रतियोगिताको फाईनल खेल असोज २७ गते शनिबारको दिन रहने छ।
Facebook Notice for EU!
You need to login to view and post FB Comments!