बुद्वशान्ती, झापा । विभिन्न दलहरुबाट उम्मेदवारी मनोनयन दर्ता भएपछि एक किसिमको पर्व आए जस्तो अनुभुति सबै स्थानीय तहमा देखिन्छ । योबेला बुद्वशान्ती-७ मा सबै दलहरु भोट माग्न गाउँ-गाउँ घुमी रहेको अवस्थामा नेकपा माओवादी केन्द्र पार्टीले भने आफ्नो स्थानीय संगठन मजबुत बनाउन धमाधम पार्टी प्रवेश कार्यक्रम संचालन गरि रहेको छन ।
नेकपा माओवादी केन्द्र बुद्वशान्ती वडा कमिटीले निर्वाचनलाई कसरी प्रभावकारी बनाउने भन्ने बिषयमा राखेको कार्यक्रमबाट मुकेश सुवेदी, सेमन घिमिरे, हिमाल खड्का, सुशील पौड्याल र मनिस सुवेदीलाई पार्टी प्रवेश गराएका हुन ।
यसरी पार्टीमा प्रवेश गर्नेमा सबै युवाहरु रहेका छन । नव प्रवेशी कार्यकर्तालाई बुद्वशान्ती-७ का पुर्व वडाध्यक्ष तथा नेकपा माओवादी केन्द्र पार्टीको बुद्वशान्ती गाउँपालिका उपाध्यक्ष मातृका पौड्यालले टिका लगाई, सम्मान सहित दोसोल्ला ओढाई साथमा पार्टी सदस्यता पत्र पनि प्रदान गरिएको थियो ।