झापा । कोरोनाबाट विश्व संकटमा रहेको बेला लकडाउन साथमा बिति रहेको दिनचार्यको सम्बन्ध र पेसागत केहि अनुभवको बारेमा हाल बुद्ध एयर प्रा.लि. मा पाईलट पेसाले कार्यरत रहेका क्याप्टेन शैलेस नेम्बाङ्ग लिम्बुसंग झापा बुलेन्टिनका प्रतिनिधि राजा माबोले गर्नु भएको छोटो कुराकानी ।
✍️ हजुर नमस्कार! आराम हुनुहुन्छ?
-🗣️नमस्कार! आरामै छु ।
✍️ लक डाउनलाई कस्तो अनुभव गर्नु भएको छ? लकडाउनको खाली समयलाई कसरी सदुपयोग गर्नु भयो?
🗣️ लक डाउन हामी सबैको लागि एकदमै नौलो अनुभव हो ।यस covid19 को महामारी र हालको लकडाउनले हामीलाई जीवनमा थुप्रै कुराहरु सिकाएको छ। विश्वलाई नै अत्यन्तै प्रभाव पार्ने महामारी र यसबाट उत्पन्न भएका अवस्थासंग जिउन सिकिरहेको छु । आसा छ यसको खोप वा औषधि चाडै नै बन्नेछ । बिहान घरमै ब्यायम गर्छु, अनि घरको कामहरु सघाउछु। कहिलेकाहि पढ्छु,नेट-ईन्टरनेटले पनि राम्रैसंग टाईमपास गराई रहेको छ । यसरी नै लक डाउनको समयलाई बिताई रहेको छु।
✍️ हजुरको बाबा, आमाको शुभनाम? हजुरको उमेर, जन्म स्थान?
🗣️ मेरो बाबाको नाम चन्द्र कुमार नेम्बाङ्ग र आमाको नाम तारा लिम्बू मादेन हो अहिले म २८ बर्षको उमेरको भए । म सुनसरीको धरानमा जन्मिएको हुँ ।
✍️ हजुर पाईलट पेसामा आउनु भएको कति समय भयो होला? हाल कुन एयरलाईन्समा कार्यरत हुनुहुन्छ? एक जिम्मेवार पाईलट बनि सकेपछि आकाश र जमिन कुन प्रीय लाग्दो रहेछ?
🗣️ पाईलट पेसामा लागेको लगभग तीन बर्ष हुन लाग्यो । हाल म बुद्ध एयर प्रा.लि.मा कार्यरत छु । मलाई आकाश र जमिन दुबै प्रीय लाग्छ । दुबैको आ-आफ्नै महत्व छ । विशेष गरि आकासमा हुदाको क्षण चाहिँ जीवनको अविस्मरणीय क्षण लाग्छ मलाई ।
✍️ हालसम्म कतिवटा फ्लाईट र कति घण्टा आकासमा उड्नु भयो? पाईलट पेसा, पेसागत हिसाबले उच्चस्तरिय पेसा र पेसाको सेलिब्रेटी पनि भन्छन्, कतिको दायाँ बायाबाट फोन, मेसेन्जरले सताउने गर्छ?
🗣️ हालसम्म मैले आकासमा २६०० घण्टा जति बिताई सकेको छु । हो पाईलट पेसालाई पेसागत हिसाबले उच्चस्तरिय मानिन्छ । तर पाईलट पनि सामान्य मानिस सरह नै हो । दायाँ बायाबाट फोन मेसेन्जरले खासै त सताउदैन तर अलि-अलि कल र मेसेजहरु चाहिँ आउछन् ।
✍️ पुर्व ब्रिटिस आर्मीको छोरा हुनुहुदो रहेछ किन ब्रिटिस आर्मी जागिर रोज्नु भएन? पाईलट भएर पनि नेपाली आकाश नै रोज्नुको कारण?
🗣️ मेरो चाहिँ आर्मी पृष्ठभुमी भएको परिवार हो । बाबा र दाई दुबै जना ब्रिटिस आर्मीमा हुनुहुन्छ । उहाहरुले हिड्नु भएको मार्ग भन्दा अलि छुट्टै किसिमको काम गर्ने सोच थियो । आफ्नै देशमा केही गरौ भन्ने लाग्थ्यो मलाई । त्यहि भएर मैले पाईलट बनेर पनि नेपाली आकाश नै रोजेको हुँ ।
✍️ सबैलाई थाहा नभएको तर आकाशमा उडि रहदा आफुलाई अनुभव भएको केही महत्वपुर्ण र गोप्य कुरा बताई दिनुहुन्छ कि?
🗣️ आकाशमा उडि रहदा धेरै जनालाई थाहा नभएको कुरामा म के भन्न चाहान्छु भने, आकाशमा उडि रहदा कहिले काहीँ टर्बुलेन्स वा बादल धेरै भएको बेलामा खासै आतिनु पर्दैन । यसका साथै जहाजमा कुनै किसिमको टेक्निकल खराबी आई हालेमा त्यसमा एकदमै डराई हाल्नु पर्ने स्थिती हुदैन । किनभने पाईलटहरुलाई यस्ता परिस्थितिहरु राम्रोसंग सम्हाल्ने उपयुक्त तालिमहरु दिईएको हुन्छ ।
✍️ मैले सोध्न भुलेको केही भए कृपया…?
-🗣️ लगभग भुल्नु भएको जस्तो लागेन मलाई, सायद यति नै होला ।
✍️ अमुल्य समय र महत्वपुर्ण गफगाफको निम्ति यहाँलाई मेरो व्यक्तिगत तथा झापा बुलेन्टिनको तर्फबाट हार्दिक धन्यबाद दिन चाहान्छु ।
🗣️ हस यहाँ लगायत झापा बुलेन्टिन परिवारलाई समेत मेरो तर्फबाट पनि धन्यबाद ।
(निज क्याप्टेन शैलेस नेम्बाङ्ग लिम्बु हाल बुद्ध एयर प्रा.लि.मा पाईलट पेसाले कार्यरत छन् भने झापा बुलेन्टिनका प्रतिनिधि राजा माबो कवि तथा गीतकार समेत हुन्)
