नेकपा एमालेको १४ औ अधिवेशन धरानका हरेक वडामा सम्पन्न हुदै

नितेश कान्छा, धरान । नेकपा एमालेको १४ औं महाधिवेशन अन्तर्गत आज देशभरका वडाहरुमा अधिवशेन सम्पन्न हुने क्रममा छ । सोही अनुसार धरान उपमहानगर कमिटी मातहतको पनि २० वटै वडाहरुमा अधिवेशन भइरहेको छ । धरानमा कतिपय वडाहरुमा नयाँ नेतृत्व चयन गर्दै अधिवेशन सम्पन्न भइसकेको छभने कतिपयमा चयन हुने क्रम जारी छ । धरानमा जेठ २ अघिको कमिटी र संस्थापन पक्षको कमिटीबीच अधिवेशन एकै ठाउँमा गर्ने कि अलग अलग गर्ने भन्ने बिषयमा विवाद थियो । उक्त विवाद समाधान गर्दै अधिकांश वडाहरुमा दुवै पक्षले मिलेर एकै ठाउँमा अधिवेशन गरेका छन् भने केही वडाहरुमा मात्र अलगै अधिवेशन भएको छ । मजदुर शाखाको अधिवेशन पनि दुवै पक्ष मिलेर गरेका छन्, र नयाँ नेतृत्वसमेत चयन भइसकेको छ ।