✍️ राजा माबो
बिनोद खम्बु र जुनु राईको आवाजमा रहेको “माना पाथी” बोलको गीतको म्युजिक भिडियो सार्बजनिक भएको छ । माया पिरतीको बान्किले सिंगारिएको प्रेमील गीत हालै मात्र बादसाह मिडिया युट्युब च्यानलबाट सार्वजनिक भएको हो । उक्त “माना पाथी” बोलको गीतमा शब्द सन्जय बर्माको, संगीत गायक तथा संगीतकार बिनोद खम्बुकै रहेको छभने गीतको एरेन्ज राजु कार्कीको गर्नु भएको हो । सो गीत स्टुडियो किङ अनामनगर काठमाण्डौमा रेकर्डिङ्ग भएको हो ।
सार्वजनिक भएको “माना पाथी” गीतको म्युजिक भिडियोमा आशिष राई र स्मृती राईको नृत्याभिनय देख्न पाईन्छ । दुर्गा वान्तावा राईको सिनेमाट्रोग्राफी साथै मौरिका राईको सह-कोरियोग्राफी रहेको छभने आशिष राईको कोरियोग्राफी साथै निर्देशन रहेको छ । उक्त गीतको भिडियोमा ललीतसेन सुवार, सचिन के सुनुवार र बादसाह मिडिया एण्ड पब्लिकेसन प्रा.लि.ले निर्माताको भुमिका निभाएका छन् ।
उक्त हालै सार्वजनिक भएको “माना पाथी” बोलको गीत तथा भिडियोले आम स्रोता, दर्शकको मन अवस्य जित्ने छभन्ने कुरामा आशावादी रहेको संगीतकार तथा गायक बिनोद खम्बु र गायीका जुनु राईले बताएका छन् ।