गायक तथा संगीतकार अनिल कोयी राई र गायिका सुनिता थेगीमको आवाजमा रहेको “भैयोनि पुरानो” बोलको गीतको म्युजिक भिडियो सार्वजनिक

✍️ राजा माबो

बिगतको सम्झनासंगै माया पिरतीको बान्किले सिंगारिएको प्रेमील “भैयोनी पुरानो” बोलको गीतको म्युजिक भिडियो तक्मेबुढा डटकम युट्युब च्यानलबाट हालै सार्वजनिक भएको छ ।

सार्वजनिक भएको छोटो समयमै स्रोता, दर्शकले अत्याधिक रुचाईएको “भैयोनी पुरानो” बोलको गीतमा गायक तथा संगीतकार अनिल कोयी राई र गायीका सुनिता थेगीमको सुमधुर आवाज सुन्न सकिन्छ । शब्द, संगीत गायक तथा संगीतकार कोयीकै रहेको छभने एरेन्ज राजु कार्कीको रहेको छ ।

स्टुडियो किङ अनामनगर काठमाण्डौमा रेकर्डिङ भएको उक्त गीतको म्युजिक भिडियोमा कबिता आले, विल्सन बिक्रम राई, एलिसा राई, विशाल योङ्हाङ्ग र हरी अधिकारीको नृत्याभिनय देख्न सकिन्छ । मनोज कार्कीको सम्पादन रहेको साथै विल्सन बिक्रम राईले उक्त भिडियो निर्देशन रहेको हुन् ।