इलाम । रोङ गाउँपालिका वार्ड नं २ कुट्टीडाँडा स्थायी घर भइ हाल वैदेशिक रोजगारको सिलसिलामा दुबई बस्नु हुने इलामेली गायक मिलन बम्जनले मिरर लाइट प्रोडक्सन युट्युब च्यानलबाट भाग्य लेख्ने मसि बोलको गीत अडियो भिडियो आज सार्वजनिक गर्नु भएको छ ।
संगीत देबेश राईको, शब्द मुना बान्तवा राईको रहेको यस गीतको रेकर्ड स्टुडियो नाइन दुबईमा गायक मिलन बम्जनको स्वरमा भएको हो । यस गीतको छायांकन साउथ कोरियामा भएको थियोभने निर्देशन देवेन्द्र पुनले गर्नभएको थियो साथै यस गीतको भिडियो सम्पादन र क्यामेरामेनको भुमिका पनि निर्देशक पुनकै रहेको छ साथै यस म्युजिक भिडियोमा अभिनय मोडल सुरज तामाङ, शोभा थापा र होम रोक्काले गरेका छन् ।
गीतको अडियो र भिडियोले केही समयमा निकै सकारात्मक, तारिफ गरेको प्रतिक्रिया बटुली रहेको यस गीतले कोरोना भाइरसको महामारीमा आम मानिसहरुमा हुने पीडालाई मलम लगाई चर्चा कमाउने कुरामा गीतकार मुना बान्तवा राई विश्वास्त हुनु हुन्छ ।
पछिल्लो समयमा कभर गीतहरु तथा आफ्नै गीतहरु गएर भाइरल भएको इलामेली गायक बम्जन केही समय अगाडी कोरोना भाइरस पोजिटिभ थिएँ । अहिले स्वस्थ भएर दैनिकी दिनचर्यामा फर्किनु भएको गायक बम्जनको भाग्य लेख्ने मसीले आजभन्दा २५ दिन अगाडि पिता मनकुमार तामाङले देह त्याग गर्ने लेखिएको थिएछ । आज मृतक पिता मनकुमारको शोकमा भावविह्वल भएर आफ्नो पिताको सम्झनामा यो गीत रेकर्ड गरि सार्वजनिक गरिएको हो भनेर झापा बुलेटिनको प्रतिनिधिलाई पितृशोकको पीडा कम गर्न यस मार्मिक गीतको गायक बम्जन सुनाउनु हुन्छ ।