झापा । मेचीनगर नगरपालिका २ भुकुटी बस्ने अन्दाजी ५० बर्षीय नारायाण आचार्यको हत्या भएको प्रहरी कार्यालय झापाका डिएसपी राकेश थापाले जानकारी दिए । प्रहरीका अनुसार शुक्रबार दिउँसो ४ बजेको समयमा भुकुटी बजारमा किराना तथा कपडा पसल गर्दै आइरहेका आचार्यलाई उनकै पसलमा खुकुरी प्रहार गरिएको थियो । खुकुरी प्रहारबाट गम्भिर घाइते भएका उनलाई उपचारका लागि बिर्तामोडको बि.एन.सि लैजाने क्रममा बाटैमा मृत्यु भएको डिएसपी थापाले जानकारी दिए । प्रहरीले थप अनुसन्धान गरिरहेको छ।
यता प्रहरीले घटनामा संम्लग्न एक व्यक्तिलाई पक्राउ गरेको छ । उनको नाम प्रहरीले खुलाएको छैन । पक्राउ परेका व्यक्तिको बिषयमा अनुसंन्धान भइरहेकोले पुष्टि भएपछि उनको नाम खुलाउने डिएसपी थापाले बताए ।
