खोलाको किनारामा एक पुरुषको बेवारिसे लास भेटियो

इलाम । इलाम न.पा.वडा नं.८ स्थित माईखोला नामसालिङ जाने पक्की पुल नजिक खोला किनारामा एक पुरुष व्यक्ति मृत अवस्थमा भेंटिएको छ । हालसम्म मृतकको नाम थर वतन केही खुल्न सकेको छैन ।

टाउको तथा निधारमा निल डाम चोट लागेको ३०/३२ वर्ष उमेर भएको हातको दाहिने नाडिमा रातो पहेलो डोरा बाँधेको र गलामा रातो डोरीमा पहेलो जन्तर(बुटी) लगाएको अं. ५ फिट ७ ईन्च उचाई भएको, रातो बर्णको, तालुमा पातलो केश भएको लास फेला परेकोमा घटनास्थल लास जाँच मुचुल्का लगायतका सम्पुर्ण प्रारम्भिक कार्य सम्पन्न गरी पोष्टमार्टमको लागि इलाम अस्पताल इलामको शव गृहमा राखिएको छ ।

घटनाको सम्बन्धमा थप अनुसन्धान भईरहेको छ । घटनास्थलमा भेटिएको उक्त लाशको हाल सम्म सनाखत हुन नसकेकोले निजको बारे कोही कसैलाई केही जानकारी भएमा यस जिल्ला प्रही कार्यालय इलाममा जानकारी गराई दिन हुन समेत अनुरोध गरिएको छ ।