✍️रजिन ढुङ्गेल
फिक्कल । इलाममा एकै दिन ५ जनामा कोरोना संक्रमित भेटिएको छ । संक्रमितहरुमध्ये ४ जना ओमन र १ जना भारतबाट नेपाल आएका हुन । भारतबाट आएर सूर्योदय नगरपालिका–२ पशुपतीनगर क्वारेन्टाइनमा रहेका २७ बर्षिय पुरुष थिएभने ओमनबाट आएका सूर्योदय नगरपालिका–३ का ३० बर्षिय र २८ बर्षिय पुरुष, इलाम नगरपालिका–८ का ४८ बर्षिय पुरुष र साउदी अरबबाट आएका सूर्योदय नगरपालिका–७ का ३० बर्षिय पुरुषमा कोरोना संक्रमण पोजिटिभ देखिएको हो ।
ओमनबाट आएका ४ जना पुरूष कन्यामको कृष्णाश्रम क्वारेन्टाइनमा रहेका थिए । उनीहरुलाई उपचारको लागि मोरङको गोठगाउँमा रहेको पुर्वाञ्चल विश्वविद्यालयको अस्पतालमा उपचारको लागि पठाइएको छ भने उनीहरूको अवस्था भने सामान्य नै रहेको सूर्योदय नगरपालिका–१० का वडाध्यक्ष पेमा उगेन लामाले बताउनुभयो । ५ दिन अघि उनीहरूको स्वाब संकलन गरेर परिक्षणका लागि पठाइएको थियो । पछिल्लो समय इलाममा कोरोना सङ्क्रमितको सङ्ख्या २ बाट बढेर ७ पुगिसकेको छ ।।