मोरङ्ग । विराटनगरस्थित कोशी अस्पतालमा विरामीको कुरूवा बसेकी खोटाङ्ग घर भइ इटहरीमा डेरा गरि बस्ने २१ वर्षीय किशोरीलाई करणी प्रयासको आरोपमा मोरङ प्रहरीले एक जनालाई पक्राउ गरेको छ ।प्रहरीले मोरङ कटहरी गाउँपालिका ७ का २८ वर्षिय सुरज मण्डललाई पक्राउ गरेको हो । पक्राउ परेका मण्डलले कोशी अस्पतालको ‘फिमेल मेडिकल वार्ड’ मा बुधबार विहान साढे ३ बजे ती किशोरीलाई करणीको प्रयास गरेको आरोप छ । किशोरीले मोरङ प्रहरीमा किटानी जाहेरी दिए पछि प्रहरीले अनुसन्धानको लागि मण्डललाई पक्राउ गरि अनुसन्धान सुरू गरेको मोरङ प्रहरीका प्रवक्ता डिएसपी मानबहादुर राईले जानकारी दिए ।
‘किशोरीले दिएको जाहेरीको आधारमा हामीले नियन्त्रणमा लिएका हौं,’ डिएसपी राईले भने, ‘अहिले अनुसन्धान सुरू गरेका छौं । थप विषय अनुसन्धान पछि खुल्नेछ ।’ फिमेल मेडिकल वार्डमा सुतिरहेको अवस्थामा ती किशोरीको ओठमा मण्डलले चुम्बन गरेको र उनले प्रतिकार गरेपछि मण्डल फरार भएको प्रहरीलाई दिएको जाहेरीमा उल्लेखछ । ‘७ दिनदेखि दिदीको छोरी विरामी भएपछि कोशी अस्पतालमा भर्ना गरिएको छ ।